एनआरएनए आइसिसिमा सोनाम लामाद्धारा उपाध्याक्ष पदमा उम्मेद्धवरी

September 19, 2019

लामो समयदेखि एनआरएनए अभियानमा सक्रियताका साथ लाग्दै आएका एनआरएन उत्तर अमेरिकाका पुर्व क्षेत्रिय संयोजक सोनाम लामाले एनआरएनए आईसीसीको आगामी निर्वाचनमा केन्द्रीय उपाध्यक्ष पदमा उम्मेदवारी दिने भएको छ । लामा एक दशकदेखिन एनआरएनए अभियानमा सक्रियताका साथ जुटदै आएका छन ।

सन् २००९ देखि लगातार ४ बर्ष एनआरएनए आईसीसी सदस्य हुदै उत्तर अमेरिकाको लागी क्षेत्रिय उपसंयोजक र सन् २०१५ मा क्षेत्रीय संयोजकमा लामा निर्वाचित भएका थिए । आइसिसिको प्रतिनिधिको रुपमा क्षेत्रिय संयोजक भए लगतै लामाकै पहलमा अमेरिकामा एनआरएनएको सदस्य वितरणदेखि एनसिसि अमेरिकाको नेतृत्व चयनमा सहयोग पुर्‍याएका थिए ।
एनआरएनकर्मि लामाले नेपालमा गएको विनाशकारी भूकम्प र त्यसपछि गएको बाढि पहिरो लगायतका दैवि प्रकोपको बेला नेपालको सम्बन्धीत स्थानमा पुगेर राहत वितरण गर्नुको साथै विभिन्न सामाजिक कार्यहरुमा सहयोग गदै आएका छन ।

न्युयोर्कमा याक रेष्टुरेन्ट, अर्गेनिक सुपरमार्केटको मालिक लामा पछिल्लो समय नेपालमा आफनै गृहजिल्ला मुक्तिनाथमा विशाल बुद्धको मुर्ति बनाउनुको साथै र अर्गनिक स्याउ खेतीमा लगानी गरि एप्पल र्फम सञ्चालन गदै आएका छन । यसको साथै उनले मुस्ताङ र ठमेलमा पनि पर्यटकको आर्कषक होटल सञ्चालन गरेका छन ।

एनआरएनएमा निरन्तरताको मुद्दा उठाउदै आएका लामाले आफनो कार्यकालमा न्युजर्सी सम्मेलनबाट पारित भिजन २०२० एण्ड वियोण्डको कार्यान्वयनका लागि आफूले उपाध्यक्षमा उम्मेदवारी दिन लागेको पनि बताएको छ । ‘ लामो समय एनआरएनएमा लाग्ने क्रममा अझै पनि आफुले सस्थाको लागी गर्नु पर्ने धेरै कुराहरु भएकोले उपाध्याक्ष पदमा उम्मेद्धवरी दिन लागेको हो’ लामाले एभरेष्टटाइम्सलाइ बताए । ‘भाषण थोरै काम धेरै सोनाम लामाको सपना समृद्ध नेपालको कल्पना ‘ भन्ने नाराका साथ चुनावी मैदानमा उत्रिएका लामालाई विगतमा उनले गरेको कार्य मुल्याङकनको आधारमा सवैतिरबाट उपाध्याक्ष पदमा उम्मेद्धवरी दिनुपर्ने सुझाव र आग्रह गदै आएको बताए ।

सम्बन्धित समाचार