क्यीकुसियन कराते खेलाडीको अन्तराष्ट्रिय सस्थाको अध्यक्षमा भीमसेन कार्की निर्वाचित

May 19, 2020

नेपालको पुर्व क्यीकुसियन कराते खेलाडीहरुको संगठन युनाइटेड नेपालिज क्यीकुसियन एडभान्समेन्टले यसै हप्ता अनलाइन कन्फेरेन्स मार्फत नया कार्यसमिति चयन गरेको छ । पुर्व निर्धारित कार्यक्रम अनुसार फिलिपिन्सको मनिलामा नेपाली नया बर्षको अवसरमा गर्ने भनी तयारी गरिएको कार्यक्रम कोभिढ नाइन्टीनको कारणले स्थागित गरिएको थियो । सस्थाले गत आइतबार एक दर्जन देशहरुबाट स्काइपको माध्यामबाट ९ सदस्यीय नया कार्यसमिति चयन गरेको निर्वाचन कमिटिका सदस्य निमा शेर्पाले बताए । उनका अनुसार अध्यक्ष पदको लागी बाहेक सवै पदहरु निर्विरोध भएका थिए ।

अन्तिम समयमा सदस्यहरुको मतदानले अध्यक्षमा क्यानाडाबासी भिमसेन कार्कीलाई निर्वाचित गरिएको थियो । त्यस्तै उपाध्याक्षमा अष्ट्रिलियाबाट सुरज श्रेष्ठ, वेलयतबाट सुरज कार्की, महासचिवमा न्युयोर्कबाट मोहन विष्ट, कोषाध्याक्षमा नेपालबाट इन्द्र सुरज मल्ल चयन गरेको छ । त्यस्तै सदस्यहरुमा राम केसी अष्ट्रिलिया, धन लामा बहराइन, सुर्दशन सिम्खडा बेल्जियम र ज्ञान बहादुर तामाङ बहराइन भएको जनाएको छ । निर्वाचनमा समितिका संयोजकमा रमनसिंह फ्रान्स, सदस्यहरुमा अमेरिकाबाट निमा शेर्पा र बेल्जियमबाट सुर्दशन सिम्खडा रहेका थिए । यो सस्था एसियन गोल्डमेडालिष्ट रुपेश ढंगोलको अध्यक्षतामा गत वर्ष नेपालमा दर्ता भएको जनाएको छ ।

 

सम्बन्धित समाचार