विश्वभरिको शेर्पाहरु अक्टुबर ८ मा सिक्किममा भेला हुदै ।

September 10, 2019

विश्वभरिको शेर्पा संघसस्थाहरुको प्रतिनिधिहरु काठमाडौमा भेला भएर पहिलो विश्व शेर्पा सम्मेलन गरेको दुई बर्ष पछि यस पटक सिक्किममा पहिलो साधारण सभा तथा दोश्रो विश्व शेर्पा दिवस मनाउन लागेका छन । यसै कार्यक्रमका लागी यतिखेर विभिन्न देशहरुमा रहेका शेर्पा समुदायका संघसस्थाहरुका प्रतिनिधिहरु जाने तयारी गरिरहेका छन । एनआरएनए आइसिसिको ९ औ सम्मेलनको एक हप्ता अघि हुन लागेको विश्व शेर्पा दिवसमा यस पटक पनि विभिन्न देशहरुबाट धेरै शेर्पा प्रतिनिधिहरुको सहाभागी हुने आशा गरिएको छ ।

शेर्पा समुदायको भाषा, धर्म र सस्कृतिको संरक्षणसंगै आपसी सहयोगको भावना अनुरुप सन २०१७ को अक्टुबरको ८ तारिख विश्व सम्मेलन गरेको हो । विश्वको करिब दुई दर्जन मुलुकहरुको प्रतिनिधिहरु भेला भएर ऐतिहासिक घोषणपत्र जारी गरेको त्यो ऐतिहासिक दिन अक्टुबर ८ लाई गत बर्षदेखि विश्वभरि विश्व शेर्पा दिवसको रुपमा मनाउदै आएको छ । यसै अवसर पारेर विश्व शेर्पा मञ्च ( जम्बुलिङ शेर्वी छोक्पा)ले सिक्किममा रहेका शेर्पा संघसस्थाहरुको सामुहिक प्रयासमा यस पटक अक्टुबर ८ तारिख पहिलो साधारण सभा र दोश्रो विश्व शेर्पा दिवस मनाउन लागेको छ ।

सिक्किमको मुख्यमन्त्रि, मन्त्रिहरु र धर्मगुरुहरुको उपस्थित हुने दोश्रो विश्व शेेर्पा दिवस ८ र ९ तारिख गर्नका लागी तयारी पुरा भएको सिक्किमस्थित विश्व शेर्पा मञ्च ( जम्बुलिङ शेर्वी छोक्पा) का महासचिव पासाङ गेले शेर्पाले बताए ।
कार्यक्रमलाई सफल बनाउन नेपालबाट विश्व शेर्पा मञ्च (जम्बुलिङ शेर्वी छोक्पा ) तथा नेपाल शेर्पा संघका अध्यक्ष एडि शेर्पा लामा लगायत कमिटिका पदाधिकारीहरु जुटिरहेका छन ।

‘ शेर्पा समुदायको समग्र हित तथा भावी कार्यदिशा निर्धारणको लागी हामी विश्वभरिको शेर्पाहरु यस पटक सिक्किममा जुटने तयारीमा छौ’ संघका अध्यक्ष एडि शेर्पाले भने— ‘ यस पटक पनि हामी शेर्पा समुदायको हितमा विभिन्न फोरमहरुको साथै आगामी कार्ययोजनाहरुको बारेमा छलफल गर्नेछौ’ अध्यक्ष शेर्पाले बताए । उनका अनुसार सिक्किममा हुन लागेको कार्यक्रममा नेपाल शेर्पा संघले त्यहासम्म जाने प्रतिनिधिहरुको लागी यातयातको व्यवस्था गरिरहेको बताए । यस पटक पनि सिक्किममा आयोजित साधारण सभा तथा विश्व शेर्पा दिवसमा विदेशबाट भाग लिने प्रतिनिधिहरुको लागी २ सय डलर प्रतिनिधि शुल्क र नेपाल र सिक्किमबाट प्रतिनिधित्व गर्नेहरुको लागी १० हजार भारतीय रुपिया तोकेको सिक्किमस्थित विश्व शेर्पा मञ्च ( जम्बुलिङ शेर्वी छोक्पा) का कोषाध्याक्ष मिङमा शेर्पाले बताए ।

सम्बन्धित समाचार