गैर आवासीय नेपाली संघको अर्को महिनाका लागि तोकिएको युरोपस्तरीय क्षेत्रीय भेलाका लागि गठन गरिएका मिडिया समितिमा नेपाल पत्रकार संघ युरोप शाखालाई वेवास्ता गरिएको भन्दै शाखाले विरोध जनाएको छ ।
संस्थाका अध्यक्ष केजिन राईले एक विज्ञप्ति जारी गर्दै मिडिया समिति यथावत रहेमा कार्यक्रम नै बहिस्कार गर्ने चेतावनी दिएको छ ।
विज्ञप्तिमा भनिएको छ, ‘नेपाल पत्रकार महासंघको युरोप शाखाला२ पुरै बेवास्ता गर्दै गठन गरिएको समितिप्रति हाम्रो घोर आपत्ति छ । यदि सोही समिति यथावत रहेमा गैरआवासीय नेपाली संघ नामको केही व्यक्तिहरुको मात्रै रहेको निष्कर्ष निकाल्दै बाहिस्कार गर्ने जानकारी पनि गराउन चाहन्छौ ।’
जुलाइ २९ र ३० मा हुन लागिएको ११ औं क्षेत्रीय सम्मेलनका लागि चिरन शर्माको संयोजकत्वमा मिडिया समिति गठन गरिएको छ ।
