अन्तराष्ट्रिय नेपाली साहित्य समाज ( अनेसास)को आगामी निर्वाचनमा साहित्यकार गोर्वधन पुजाले अध्यक्ष पदका लागि उम्मेदवारी दिएका छन । सस्थामा दुई कार्यकाल महासचिवको रुपमा कार्य गरिसकेका उनले नेतृत्व तहमा केही गर्नका लागी उम्मेद्धवरी दिएको जनाएको छ । ‘ महासचिव भएर दुई कार्यकाल पुरा गरे तर अब नेतृत्व तहमा पुगेर धेरै अधुरो कार्यहरू पुरा गर्नका लागी मैले अध्यक्ष पदमा उम्मेद्धवरी दिएका हो ‘ गोर्बद्धन पुजाले एभरेष्टटाइम्सलाई भने-‘ अनेसासलाई समय सापेक्ष रुपमा गति दिदै यसको उदेश्य र मूलमर्मलाई आत्मसाथ गर्दै नेपाली सहित्यको विश्वव्यापीकरण अभियानलाई अघि बढाउनमा केही ठोस कार्य गर्ने अठोट लिएरनै अघि बडेको हु’
नेपाली भाषा र साहित्य सिर्जनामा तीनदशकदेखि लाग्दै आएका उनी अनेसाससग सन २००३ मा वियोगी बुढाथोकीको अध्यक्षतामा गठित नेपाल च्याप्टरको सहसचिवबाट अवद्ध हुदै आएका थिए । उनी अहिलेसम्म औपचारिक रुपमा अनेसासमा लागेको ११ बर्ष पूरा भएको जनाएको छ । नेपालमा पत्रकारिता र साहित्य दुबै क्षेत्रमा अवद्ध उनी विगत एक दशकदेखि अमेरिकाको बोस्टनलाई कर्म क्षेत्र बनाएर बस्दै आएका छन ।
उम्मेद्धवरी घोषणाकै क्रममा उनले जारी गरेको विज्ञाप्ती जस्ताको त्यस्तै
आदरणीय आजीवन सदस्यज्यू
नमस्कार ,
अनेसासको आगामी निर्वाचनमा अध्यक्ष पदका लागि मैले उम्मेदवारी दिएको छु | विगत दुई कार्यकाल मैले महासचिवको रुपमा केही कामहरू गर्ने अवसर पाएँ, तर नेतृत्व तहमा मेरो निर्णायक भूमिका नभएकाले मैले गर्नुपर्ने धेरै कार्यहरू अधुरा नै रहे | त्यसैले अनेसासलाई समय सापेक्ष गति दिदै यसको स्थापनाको उदेश्यको मूलमर्मलाई आत्मसाथ गर्दै नेपाली सहित्यको विश्वव्यापीकरण अभियानलाई अघि बढाउन केही ठोस कार्य गर्ने अठोटका साथ सहकार्य गर्न यहाँहरूको साथ र हातको लागि हार्दिक अनुरोध गर्दछु |
र अघिल्लो कार्यकालमा यहाँहरूले अपेक्षा राख्नु भएको केही कार्य मैले पूरा गर्न सकिनँ हुँला, यहाँहरूको चित्त बुझाउन सकिनँ हुँला, यहाँहरू मेरो कार्य गराईप्रति दुखि हुनु भयो होला , यी सबै मानवीय कमजोरी र मेरो कार्य क्षमतामा देखिएको कमिलाई सुधार्दै आगामी दिनमा सामूहिक आवाजको कदर गर्दै कार्य गर्ने प्रतिवद्दताका साथमा क्षमा याचना पनि गर्दछु |
नेपाली भाषा र साहित्य सिर्जनामा तीनदशक लामो मेरो यात्रा अनेसाससंग सन् २००३ मा वियोगी बुढाथोकीको अध्यक्षतामा गठित नेपाल च्याप्टरको सह-सचिवबाट सुरु भएको हो | अनेसासमा मेरो औपचारिक सहभागिताले ११ बर्ष पूरा गरेको छ |
सन् २००९ मा अमेरिकाको न्युयोर्क आएपछि यसमा अझ गहिरिएर लाग्ने अवसर मिल्यो | सन् २०१२-२०१४ र २०१६-२०१८ मा मैले महासचिवको भूमिका निर्बाह गर्दा अनेसास भित्रका साना भन्दा साना कुराहरू जान्ने अबसर पाएँ | जसलाई मैले सिक्ने समयका रुपमा लिएको छु,| परिवार ठूलो भएका कारण बैचारिक मतभेद हुनु स्वभाविक हो | बिचारको मन्थन हुनुपर्छ | बिचार बाझिनु पर्छ र माझिनु पनि पर्छ | हाम्रो परिवारमा पनि समय समयमा यस्ता मत-मन्थनको कामहरू भएका छन् | यसबाट टुटेका मन र छुटेका आफ्नो पनलाई मेरो कार्यकालमा भावनाको “सुपरग्लु”ले जोड्ने प्रयास गर्ने छु | हामीलाई राम्ररी थाहा छ, जब फाटेको मन जोडिन्छ तब झन् बलियो सम्बन्ध बन्छ र फेरि कहिले पनि च्यातिने छैन |
म नेपाली साहित्य पढेर आएको पाठक हुँ | अहिले झन्डै एक दशकदेखि अमेरिकाको बोस्टनलाई कर्म क्षेत्र बनाएर बसेको छु, यसैले नेपाली साहित्यमा भएका उपलव्धिलाई भूगोल कुनाकुनामा रहेका नेपाली भाषा-भाषी बीच पुर्याउन र उनीहरूको भाषा प्रेमलाई नेपालसम्म जोड्न मैले सम्बन्ध सेतुको कम गर्न सक्ने विश्वासका साथ सन् २०१८-२०२०को कार्यकालका लागि अध्यक्षको उम्मेदवारी दिएको हुँ |
मलाई थाहा छ, नेपाली साहित्यको केन्द्र नेपाल हो, घरदेश हो | साहित्यको बिकासमा महत्वपूर्ण भूमिका खेल्न नेपालमा भएका संघ सस्थाहरू तन, मन र बचनले लागि परेका छन् | तर बिदेशी भूमिमा अनेसासको भूमिका उजागर गर्ने कार्यमा लागेको अनेसास एउटा महत्वपूर्ण सस्था हो | त्यसैले नेपालले यसको नेतृत्व गर्नु भनेको नेपालमा नेपाली राजदूतावास खोलेर राजदूतको नेतृत्व गर्नुजस्तै हो | हो सहकार्य हुनु पर्छ, सम्बन्ध सुमधुर राख्नु पर्छ तर नेतृत्वको सवालमा सहि ठाउँ त उपयुक्त व्यक्तिवको चयनले सस्थाको उदेश्य र औचित्यमा महत्वपूर्ण भूमिका खेल्छ |त्यसैले यो कार्यका लागि मेरो उमेद्वारी धेरै हदसम्म उपयुक्त ठानेको छु |
मैले कमाएको आफन्त र सम्पत्ति भन्नु मेरो तीन दशक लामो साहित्यिक यात्रामा सिर्जना भएका मेरा कृति र तपाईहरूको मनमा पाएको बास नै हो | यही शक्तिको आडमा तपाईहरूको मत माग्ने आँट गरेको छु | भनिन्छ “मतदान” एउटा पुण्य दान हो , सहि पात्रमा यो दान पर्नाले दान गर्ने व्यक्तिलाई वास्तविक आनन्द पनि मिल्छ ,त्यसैले तपाईलाई यो आनन्दी मिलोस् भन्नेमा म सजक छु |
सबैको हात , अमूल्य साथ र विश्वासका खात लिएर अनेसासलाई साहित्यको सामूहिक चौतारी बनाउने प्रण गर्दै मैले केही योजनाहरू कोरेको छु, जसलाई यहाँहरूको “हैसे”ले मेरो “होस्टे” लाई सहयोग पुग्ने पवित्र विश्वास साँचेको छु |
र अन्त्यमा , साहित्यलाई कमाउने पेशा र सस्थालाई निजी पेवा बनाउने भूल नगर्ने कबूल दोहोर्याउदै अमूल्य मतदान गर्नका लागि हार्दिक अनुरोध गर्दछु |
भवदीय,
गोवर्धन पूजा
अनेसास अध्यक्ष (२०१८-२०२० ) पदको उम्मेद्वार
बोस्टन, अमेरिका
सम्पर्क : ५०८८४०५८७४
फेसबुक :pooja govardhan
email: gpooja1970@gmail.com
