तराईका विभिन्न जिल्लामा आइतबार साँझ आएको भीषण हावाहुरीका कारण ठूलो जनधनको क्षति भएको छ ।
हावाहुरीका कारण ज्यान गुमाउनेहरुको यकिन संख्या खुलिसकेको छैन । प्रधानमन्त्री केपी शर्मा ओलीले ट्विट गर्दै हालसम्म २५ जनाको ज्यान गएको र करीब ४०० घाइते भएको जानकारी दिएका छन् ।
हालसम्म २५ जनाको ज्यान गएको र करीब ४०० घाईते भएको जानकारीमा आएकोछ। मृत्युबरण गर्नेहरूप्रति शोकव्यक्त गर्दछु। र, शोकाकुल परिवारजनमा गहिरो समवेदना प्रकट गर्दछु ।
— K P Sharma Oli (@kpsharmaoli) March 31, 2019
प्रधानमन्त्री ओलीले मौसमले साथ दिएमा राति नै नाइट भिजन हेलिकप्टर पठाउने बताएका छन् ।
भोली बिहानबाट आवस्यक उद्दार र राहतका लागि हेलिकप्टर तयारी अवस्थामा राखिएको छ । मौसमले साथ दिएमा तत्काल उद्दार गर्न काठमाडौंको एयर बेसमा
“नाईट भिजन” हेलिकप्टर तयारी अवस्थामा राखिएको छ।
सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु।— K P Sharma Oli (@kpsharmaoli) March 31, 2019
यात्रुबाहक बसहरुसमेत हुरीका कारण दुर्घटनामा परेको बताइएको छ । मृतकको संख्या अझै बढ्न सक्ने अनुमान गरिएको छ । घाइतेहरुको गण्डक अस्पताल र नारायणी अस्पतालमा उपचार भइरहेको उल्लेख गरिएको छ ।
