काठमाडौं: मन्त्रिपरिषद् पछिल्लो बैठकले चार देशका लागि राजदूत सिफारिस गरेको छ ।
बिहीबारको बसेको मन्त्रिपरिषद् बैठकले अस्ट्रेलिया, स्पेन, कतार र बंगलादेशका लागि नेपाली राजदूतको नाम सिफारिस गरेको हो ।
नाम सिफारिस हुनेहरूमा अस्ट्रेलियाका लागि महेशराज दाहाल, स्पेनका लागि आङफुटी शेर्पा, कतारका लागि नारद भारद्वाज र बंगलादेशका लागि वंशीधर मिश्र रहेका छन् ।
लक्की शेर्पाले राजीनामा दिएपछि अस्ट्रेलियामा राजदूत पद रिक्त थियो । अन्य देशमा समेत विभिन्न कारणले राजदूत पद रिक्त रहँदै आएको थियो ।