कश्मीरमा भिडन्त, नेपालीसहित दुई सैनिकको मृत्यु

२०७६ पुष १७, बिहीबार १०:४३

एजेन्सी— भारतको जम्मू-कश्मीरमा आतंकवादीसँगको झडपमा एक नेपालीसहित २ जना भारतीय सैनिकको ज्यान गएको छ ।

बुधबार जम्मू कश्मीरको रजौरी जिल्लाको सीमा क्षेत्र नौशेरामा भएको झडपमा भारतीय सेनामा रहेका नेपाली युवा अर्जुन थापा मगर र भारतीय नागरिक सावन्त सन्दीप रघुनाथको मृत्यु गएको भारतीय सेनाले जनाएको छ ।

२५ वर्षीय अर्जुन राइफलम्यान पदमा र २९ वर्षीय सावन्त नायक पदमा कार्यरत थिए।

ठूलो परिमाणमा हातहतियारसहितका आतंकवादीसँगको आक्रमणमा दुवै जनाले ज्यान गुमाएको भारतीय सेनाका जनसम्पर्क अधिकारीले जनाएका छन् ।

गोरखा नगरपालिका–५ देवीमाई टोलका थापामगर चार वर्षअघि भारतीय सेनामा भर्ती भएका थिए । उनी एक महिने छुट्टीपछि पुस पहिलो साता कार्यक्षेत्र फर्किएका थिए।

सन् २०१८ यता जम्मू कश्मीरमा आतंकवादीसँगको झडपमा ८३ जना सुरक्षाकर्मीको मृत्यु भएको छ।

 

सम्बन्धित समाचार