काठमाडाैं– गर्मी सुरू भएसँगै डेंगु रोग फैलिएको भन्दै सरकारले सतर्क रहन आग्रह गरेको छ।
इपिडिमीयोलोजी तथा रोग नियन्त्रण महाशाखाका अनुसार गत दुई महिनामा देशभर ३६ जनामा डेंगु देखिएको छ।
प्रदेश नम्बर १ मा ६ जना, बागमती प्रदेशमा ९ जना, गण्डकी प्रदेशमा ५ जना, प्रदेश नम्बर ५ मा १४ जना र सुदुरपश्चिम प्रदेशमा २ जनामा डेंगु देखिएको हो।
डेंगुबाट बच्न पानी जमेको खाल्डाखुल्डी पुर्ने, झुलको प्रयोग गर्ने र सरसफाइमा ध्यान दिनुपर्ने चिकित्सकहरु बताउँछन् ।
गत आवमा तीन हजार चार सय जनामा डेंगु संक्रमण देखिएको थियो।
