काठमाडौं । सत्तारुढ नेपाल कम्युनिस्ट पार्टी (नेकपा) ले बुधबार सचिवालय बैठक बोलाएको छ ।
अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहालबीच भेटवार्ता भएलगत्तै सचिवालय बैठक बोलाइएको हो । बैठक भोलि साँझ ५ बजे बोलाइएको छ । मंगलबार दिउँसाे दुवै अध्यक्षबीच बालुवाटारमा भेट भएकाे थियाे ।
दाहालसहित माधवकुमार नेपाल, झलनाथ खनालसहितका नेताहरूले सचिवालय बैठक बाेलाउनु पर्ने माग गरेका थिए । ओलीले बैठक छल्ने प्रयास गरिरहेका थिए ।
