न्युयोर्कमा ५० जना विद्यार्थीहरुको घरघरमा खाद्य समाग्री वितरण

२०७७ जेष्ठ १९, सोमबार २२:३८

कोरोना बिरुद्ध सचेतना एबं सहयोग समुह न्यूयोर्कले कोरोना भाइरसको कारण समास्यामा परेका ५० जना नेपाली विद्यार्थीहरुलाई आइतबार खाद्य सामाग्री बितरण गरेको छ । समुहले यो समेत गरि छैटो पटक विद्यार्थीहरुको घरदैलोमा खाध्य सामाग्री पुर्‍याइदिएको छ । समुहलाई यस पटकको खानाको प्रयोजन शेर्पा किदुकले गरेका थिए । शेर्पा किदुगले ग्रौ एनवाइसि र गायत्री परिवार युएसएबाट प्राप्त भएको सामाग्री र त्यसमा किदुगले केही थप गरेर समुहलाई हस्तन्तरण गरेका थिए ।


समुहले यस पटक पनि विद्यार्थीहरुलाई करिब एक महिनाको लागी पुग्ने गरि चमाल, दाल, फलफुल, नुन,आलु, दुध लगायतका खाद्य सामाग्री वितरण गरेका थिए । समुहलाई खानासंगै सेवा इन्टरनेशनलको तर्फबाट ५० थान हातले बनाएको मक्स, त्यस्तै हरिशचन्द्र हमालबाट खाना प्याक गर्ने झोला सहयोग गरेका थिए । यस पटक ५० जना विद्यार्थीहरुको घरघरमा खाद्य समान वितरण गर्ने स्वयमसेवकहरुमा अच्यूत सिग्देल , बिष्णु राना मगर, आनन्द बिष्ट, राज कुमार बिष्ट, छिरिङ राप्के लामा, मिलन शाही, शिव बानिया, संगिता बिष्ट, नवराज खड्का, सोनाम गेल्बु शेर्पा , सीता गुरुङ, अकुर लुईटेल र आङ छिरिङ शेर्पा थिए । स्वयमसेवकहरुलाई आदीवासी जनजाती महासंघ अमेरिका फिपनाका निवर्तमान अध्यक्ष मान राणामगरले खाना उपलब्ध गरेका थिए ।


अहिले सम्म ३४३ जना एफवान स्टाटसमा रहेका इन्टरनेशनल स्टुडेन्टहरुलाई खाद्य सामाग्री वितरण गरिसकेको जानकारी समुहका संयोजक आनन्द विष्टले एभरेष्टटाइम्सलाई जानकारी दिएको छ । समुहलाई सहयोगीहरुले लगातार सहयोग दिदै आएकोले विद्यार्थीहरुलाई हरेक हप्ता वितरण गर्न पाएको संयोजक विष्टले बताए ।

सम्बन्धित समाचार