नेपाली सेनाको टोलीले सोमबार सगरमाथाको सफल आरोहण गरेको छ । सफा हिमाल अभियानमा खटिएका नेपाली सेनाका प्रमुख सेनानी किशोर अधिकारीको नेतृत्वमा कप्तानहरु दिपेन्द्रसिं खत्री, विष्णुबल राई र दुई जवानहरु किशोर जवेगु, शंकर कुँवरले सगरमाथा आरोहण गरेका हुन् ।
पिक प्रशोमन प्रालिका निर्देशक आङबाबु शेर्पाका अनुसार उनीहरुले बिहान १० बजेर ५ मिनेटमा शिखर सफल आरोहण गरेका हुन् ।
सेनाको टोलीसँगै माउन्टेन गाइडका रुपमा भोजपुरका वोङछु शेर्पा, संखुवासभाका फुर्वा शेर्पा, फुर्वादोर्ची शेर्पा, लाक्पा शेर्पाले सगरमाथाको सफल आरोहण गरेका छन् ।
सगरमाथा,अन्नपूर्ण, वरुन्त्चे र ल्होत्से गरि चार हिमाल सफाइ अभियान जारी छ ।
