नर्थ अमेरिकन शेर्पा महिला टोलीले नर्थ अमेरिकाको माउन्ट बेकर हिमालको सफल आरोहण गरेका छन । १० हजार ७ सय ८१ फिट उचाईमा रहेको माउन्ट बेकरमा गत जुलाई २ तारिखको दिन १२ जना शेर्पा महिला टोलिले सफल आरोहण गरेको नर्थवेष्ट शेर्पा एसोसियसनका अध्यक्ष जाङबु शेर्पाले एभरेष्टटाइम्सलाई जानकारी दिएको छ । उनका अनुसार उनीहरु चुचुरोमा बिहान १०:३० बजे पुगेर नर्थवेस्ट शेर्पा एसोसिएसनको ब्यानर फहराएकी थिए ।
उक्त टोलिको नेतृत्व १७ औ पटक सर्वोच्च शिखर सगरमाथा र पहिलो नेपाली सेभेन समिट आरोहण गर्ने आरोही ल्हाक्पा रिता शेर्पाले गरेका थिए । त्यस्तै सहनेतृत्व ५ पटक सफल सगरमाथा आरोहण गर्न फुर्बा ग्याल्जेन शेर्पा र निमा नुरु शेर्पाले गरेका थिए । माउन्ट बेकर आरोहणमा संलग्न आरोहण दलका सदस्यहरुमा फुरदिकी शेर्पा, पेमा शेर्पा, आङ टाशी शेर्पा, मिङमा शेर्पा, सानी शेर्पा, फुर्वा शेर्पा, ल्हाक्पा शेर्पा (वासिङटन), दाली शेर्पा, क्रिस्टल शेर्पा -कालिफोर्निया), सोनी शेर्पा, छिरिङ डिडेन शेर्पा (न्युयोर्क) र निमा याङजी शेर्पा -पोर्टल्याण्ड) थिए । पहिलो शेर्पा महिला आरोहण अभियानको आयोजना नर्थर्वेस्ट शेर्पा एसोसिएसनले गरेको हो । गत वर्ष प्रथम नेपाली टोलिको सफल आरोहणपछि दोश्रो पटक पहिलो शेर्पा महिलाको यो अभियान राखेको एसोसियसनका अध्यक्ष जाङबु शेर्पाले बताए । उनका अनुसार एसोसिएसनको आयोजनामा नै अन्य दुई टोलीले यहि जुलाई १४ देखि १६ र जुलाई २१ देखि २३ तारिखसम्म आरोहण गर्ने भएको छ । यसका साथै अगस्ट २ देखि ४ तारिखसम्म माउन्ट रेनियर -१४,४११ फिट) आरोहण गर्ने भएको छ ।
यस पटक ४ टोलीको आयोजना गरेवापत एसोसिएसनले करिब ५० हजार डलर भन्दा माथि रकम संकलन गर्न सफल भएको अध्यक्ष शेर्पाले बताए । पर्बतारोहणको ब्यबस्थापनबाट जम्मा हुन आएको सम्पूर्ण रकम एसोसिएसनले निर्माण गर्न लागेको नर्थवेष्टमा शेर्पा सामुदायिक केन्द्रमा खर्च गरिने भएको छ । नर्थवेस्ट शेर्पा एसोसिएसन अमेरिकाको उत्तरपश्चिम क्षेत्रको प्रदेशहरु वासिङटन, पोर्टल्याण्ड, आईडाहो, मोन्टाना, अलास्का र क्यानाडाको बि्रटिश कोलोम्बिया प्रदेशहरुमा बसोबास गर्ने शेर्पाहरुको एकमात्र प्रतिनिधिमुलक संस्था हो । यो अमेरिकाको उत्तरपश्चिम क्षेत्रमा अहिले करिब २ सय ५० शेर्पा घर परिवारको ४सय ५० देखि ५सय जना जति शेर्पाहरुले बसोबास गदै आएको छ ।
यो सस्थाको कार्यालय वासिंगटन प्रदेशको सियाटलमा रहेको छ । यो संस्थाको मुख्य उदेस्यहरुमा आफनो जन्म भुमि छाडेर अमेरिकाको विभिन्न क्षेत्रहरुमा बसाई सरेपछि आफनो मातृ भाषा, धर्म, संस्कृति र परम्पराको रक्षा गर्ने रहेको छ । यहि उदेस्यहरु प्राप्त गर्नको लागि यो एसोसिएसनले अमेरिकाको सियाटलमा एउटा शेर्पा सामुदायिक केन्द्र निर्माण गर्ने महान उदेस्य लिएको छ । ‘ हाम्रा पुर्खाले बनाएका हाम्रा गाउ घरहरु हामीले छाडेर आयौ र अब यो नया ठाउमा हामीहरु एक भएर पुन नमुना कार्यको थलानी गर्न लागेका छौ ‘ एसोसियसनका अध्यक्ष जाङबु शेर्पाले भने’ यो पवित्र अभियानमा हामीहरुले तपाईहरु सबैको महत्वपुर्ण सहयोगको अपेक्ष्ाा समेत गरेका छौ’ ।
‘ समुदायको लक्ष्य प्राप्तिको लागी हाम्रै शेर्पा महिलाहरुलाई पहिलो पटक बेकार हिमालको चुचुरोमा पुर्याउन पाउदा ज्यादै खुसी लागेको छ ‘ वेकर आरोहण टोलीका नेता तथा शेर्पा सामुदायिक केन्द्र निर्माण समितिका संयोजक लाक्पारिताले भने-‘ प्रवासमा भावी पुस्ताको लागी आफनै शेर्पा समुदायको सामुदायिक केन्द्र निर्माणमा सहयोग गर्न पाउदा गर्व लागेको छ’ । आरोहण अभियानमा कसैलाई रुचि भएमा एसोसियसनका आधिकारिक वेभसाइड www.northwestsherpa.org मार्फत जानकारी लिन सकिने उनले बताए ।
