चीनले हालै सार्वजनिक गरेको नक्सामा नेपालको चुच्चे नक्सा नदर्खाएको भन्दै काठमाडौं महानगरपालिकाका मेयर बालेन्द्र शाहले आउँदो सोमबारबाट हुन लागेको आफ्नो चीन भ्रमणमा रद्द गरेका छन् ।
शाहले केहि अघि चीनको प्राकृतिक स्रोत मन्त्रालयले नेपालको नयाँ चुच्चे नक्सालाई हटाएर पहिलेकै बुच्चे नक्सालाई कायम गरेको उल्लेख गर्दै आफ्नो चीन भ्रमणमा नजान
सामाजिक सञ्जालमार्फत जानकारी दिएका हुन् ।
‘नेपाली भूभागलाई चीनले नेपाललाई नै नसोधी भारतको देखाउनु हाम्रो संवेदनशीलतालाई चालेको गलत कदम मानेका छौं,’ शाहले टिप्पणी गरेका छन्, ‘त्यसैले आज मेरो चीनको निमन्त्रणमा हुन गरेको ५ दिने भ्रमण नैतिकताको आधारमा नजाने निर्णय गरेको छु ।’
शाहले नेपालले २०७७ जेठ ७ मा लिपुलेक, लिम्पियाधुरा र कालापानीलाई समेटेर नयाँ चुच्चे नक्सा निकालेको पनि फेसबुक पोष्टमा प्रष्ट पारेका छन् ।
चीनले भदौ ११ मा आफ्नो नयाँ नक्सा जारी गर्दा छिमेकमा नेपालको पुरानै नक्सा समेटेको हो । केपी ओली सरकारको पालामा जारी गरिएको नक्सामा समेटिएको लिपुलेक, लिम्पियाधुरा र कालापानीलाई भारतीले आफ्नो दावी गर्दै आउको छ । त्यहाँ भारतीय सैनिक क्याम्पसहितका धेरै सरकारी अड्डाहरु पनि छन् ।
