नर्थक्यारोलिनाको रालि क्षेत्रमा बसोबास गदै आइरहेको खेलाडीहरु वीच दशैको अवसरमा हुदै आएको पाचौ दशैतिहार फुटबल कप प्रतियोगिता सम्पन्न भयो । विगत केही महिनादेखि विभिन्न समुह वीच हुदै आएको प्रतियोगिताको शनिबार सम्पन्न फाइनल खेलमा रातो जर्सि( निओ) समुह विजय भएका छन । उनीहरुले हरियो जर्सि ( टोयोटा) समुहलाई २ को विरुद्ध ४ गोलले पराजित गरेका हुन ।
विजयी खेलाडीहरुलाई एपेक्सको मेयर ज्याक गील्बर्टले शिल्ड र पदक वितरण गरेका थिए । एपेक्समा हुदै आएको प्रतियोगितामा पहिलो पटक मेयर उपस्थित भएका हुन । यस पटक मेयरसंगै एपेक्सको काउन्सिलमेम्बर टेरि महाफी र आर्नो जेगेरम्यान समेत उपस्थित थिए । काउन्सिमेम्बरद्धायले उपविजेता समुहलाई पदक वितरण गरेका थिए । बाक्लो नेपालीको उस्थितिको वीच भएको प्रतियोगितामा आफु उपस्थित भएर खेलाडीहरुलाई हौसल्ला दिन पाउदा खुसी लागेको मेयर गील्बर्टले बताए ।
‘ तपाई हाम्रो यो शहरमा नेपालीहरुको यो एकतापुर्ण खेल कार्यक्रमले मलाई निकै खुसी तुल्यायो ‘ मेयर गील्बर्टले भने-‘ यस्तो राम्रो कार्यक्रममा आगामी बर्षको खेल प्रतियोगितामा हाम्रो तर्फबाट काउन्सिलमेम्बरहरु तपाईहरुको साथमा हुनेछ ‘ ।
१ सय ४० जना खेलाडीहरु सम्मिलित ६ समुहको वीच प्रतियोगिता भएको आयोजक समितिका सदस्य विकास सापकोटाले एभरेष्टटाइम्सलाई बताए । प्रतियोगितामा उत्कृष्ठ खेलाडी राजन रेग्मी र धेरै गोल गर्ने योगेश पराजुलि थिए । उनीहरुलाई पनि मेयर गील्बर्टले पदक वितरण गरेका थिए ।
‘ युवा खेलाडी साथीहरुको लगानसीलता, अनुशासनसंगै र सहयोगी हातहरुको कारण विगत झै यस पटक पनि सफलतापुर्वक प्रतियोगिता सम्पन्न भयो ‘ सापकोटाले बताए । उनीसंगै यस पटकको प्रतियोगिताको आयोजक समितिमा अनुप अर्याल, सुजित श्रेष्ठ, जीवन न्यौपाने र उत्तम निरौला खटिएका थिए । उनीहरुलाई हरेक टिमको क्याप्टेनहरुले खेलाडी सन्तुलनमा साथ दिएका थिए । प्रतियोगितामा एनआरएन एनसिसि एनसि च्याप्टर, ललित र्फम र इएनवाइटले आर्थिक सहयोग गरेकोमा आयोजक समितिले धन्यवाद दिएको जनाएको छ ।
