अमेरिकाको न्युयोर्कमा बसोबास गदै आइरहेका मंगोलबासीहरुको विशेष बैठकले अमेरिकामा नेपालिज मुलबासी मंगोल कम्युनिटि अमेरिका गठन गरेको छ । विशेष गरि मंगोलमुलबासीहरुको साझा मुद्धाहरु उठाउदै आएको मुलबासी मंगोल अर्गनाइजेसनले अमेरिकामा पहिलो पटक नया कार्यसमिति गठन गरेको हो । ‘ मूलवासी मंगोलको एकता आजको रास्टि्रय एवं अन्तरास्टि्रय आवश्यकता’ भन्ने मूल मन्त्रका साथ गठित कार्यसमितिको अध्यक्षमा ङिमा वाङचुक ( कान्छा) शेर्पा निर्विरोध निर्वाचित गरेको छ ।
त्यसैगरि सचिवमा सजुन थोकर, सहसचिवमा तेन्जे योन्जन, कोषाध्याक्षमा किशोर गुरुङ, प्रचारप्रसार सचिवमा भक्त बा. राई चयन गरेको छ । त्यसैगरी बोर्ड सदस्यहरुमा पासाङ शेर्पा, सुनिल थापा मगर, तेजावी राई, दावा शेर्पा , साङ्गे शेर्पा र लिला श्रीस मगरलाई बोर्ड सदस्यमा चयन गरेको छ । त्यस्तै सल्लाकारहरुमा रमेश लामा र निमा शेर्पालाई चयन गरिएको छ्र । सस्थाको नया कार्यसमिति गत नोभेम्बर २५ तारिख अमेरिकाको पेन्सिभेनियास्थित हयारिसबर्गमा गठन गरेको थियो । हालै गठित कार्यसमितिले अमेरिकामा बसोवास गदै आएको मूलवासी मंगोलहरुलाई एकतावद्ध गर्दै लैजाने सोच बनाएको जनाएको छ ।
