शनिबार भएको इलाम क्षेत्र नम्बर २ को निर्वाचनको मत गणनामा एमालेका उम्मेदवार सुहाङ नेम्वाङले मतान्तर थप ग।दै लगेका छन् । उनले निकतम् प्रतिद्वन्द्वी नेपाली कांग्रेसका डम्बर खड्कालाई ६ हजार भन्दा धेरै मतले पछि पारेका छन् ।
कुल ५४५४२ मत गणना हुँदा सुहाङले २२४९० मत पाएका छन् भने उनका निकटतम प्रतिस्पर्धी नेपाली कांग्रेसका खड्काले १६२३० मत पाएका छन् ।
तेस्रो स्थानमा रहेका मूढा चुनाव चिह्नका स्वतन्त्र उम्मेदवार डकेन्द्रसिंह लिम्बू (थेगिम) ले १०२७० र रास्वपाका उम्मेदवार मिलन लिम्बूले ३७५० मत पाएका छन् । इलाम- २ मा जम्मा ६९२८७ मत खसेको थियो ।
