तीन सातादेखि बेपत्ता नेपाली मूलकी अमेरिकी नर्स २८ वर्षीया ममता काफ्लेकी श्रीमानलाई प्रहरीले बिहीबार बिहान पक्राउ गरेको छ । अमेरिकी समाचर संस्था सीएनएनका अनुसार प्रहरीले ममताको हत्या भएको र शव श्रीमान नरेश भट्टले लुकाएको आशंकामा पक्राउ गरिएको हो ।
नरेशलाई घरबाटै हातकडी लगाएर लैजाँदै गरेको फोटो तथा भिडियो स्थानीय सञ्चार माध्यमहरुले प्रकाशन/प्रशारण गरेका छन् ।
तीा साताअघि बेपत्ता भएकी एक वर्षे सिसुकी आमा ममताको अझै अत्तोपत्तो पाएको छैन । मनासस पार्क प्रहरीले यसअघि एक अपील जारी गर्दै ममतालाई देखेमा खबर गर्न अपील गरेको थियो ।
आमा बेपत्ता भएको र बाबुलाई प्रहरीले पक्राउ गरिए पछि शिसुको भने समाज सेवा विभागबाट अनुमति प्राप्त संरक्षकहरुले हेरचाह गरिरहेको जनाइएको छ ।
यसअघि प्रहरीले श्रीमान् नरेशबाट ममताको खोजीमा सहयोग नभएको बताएको बताइएको छ भने बुधबार बुधवार जासूसहरूले उनीहरुको घरको खनतलासी गरेको थियो । उक्त खनतलासीमा भेटिएका प्रमाणका आधारमा नरेशलाई गिरफ्तार गरिएको बताइए पनि प्रमाणहरू प्रहरीले सार्वजनिक गरेको छैन ।
प्रहरीले जारी गरेको जानकारी अनुसार जुलाई २७ मा ममता मनाससको युभीए हेल्थ प्रिन्स विलियम मेडिकल सेन्टरमा देखिएकी थिइन् जहाँ उनी काम गर्थिन् । त्यसपछि अर्को दिन उनले एक साथीसँग कुरा गरेकी थिइन् भने जुलाई ३१ मा श्रीमानले अन्तिम् पटक देखेका थिए ।
प्रहरीले अगस्ट २ मा प्रहरी उनको घर पुग्दा ममता हराएको थाहा भएपनि श्रीमान् नरेशले प्रहरीमा रिपोर्ट गर्न नचाहेको जनाएको छ । त्यसको तीन दिन पछि मात्र नरेशले ममता हराएको प्रहरीलमा रिपोर्ट गरेका थिए ।
