नेकपा (एमाले) को जारी ११ औँ महाधिवेशनमा १९ पदाधिकारीसहित ३०१ सदस्यीय केन्द्रीय समितिका लागि ६८३ जनाको उम्मेदवारी परेको छ ।
महाधिवेशनामा अध्यक्ष र महासचिव पदमा दुई–दुई जनाको उम्मेदवारी परेको छ । पाँच उपाध्यक्ष पदका लागि भने ११ जनाबीच प्रतिस्पर्धा हुने भएको छ ।
त्यसैगरी, तीन उपमहासचिव पदका लागि सात जना तथा नौ सचिव पदका लागि २० जनाको उम्मेदवारी परेको एमाले केन्द्रीय निर्वाचन आयोगले जनाएको छ । खुला युवा क्लस्टरतर्फ केन्द्रीय सदस्य पदमा नरेश रोकाय र सुशील थापा भने निर्विरोध निर्वाचित भइसकेका छन् ।
निर्वाचन आयोगका अध्यक्ष डा. विजय सुब्बाका अनुसार उम्मेदवारीमाथि आजै राति दाबी–विरोध तथा छानबिन प्रक्रिया सम्पन्न भएपछि अन्तिम नामावली प्रकाशन गर्ने कार्यक्रम रहेको छ। निर्वाचन कार्यतालिका अनुसार मतदान पुस १ गते दिउँसो १ बजेदेखि हुने जनाइएको छ ।
https://drive.google.com/file/d/1kT9Z_Yr4f-WyXwKf72CMhaLd2VGz-a7B/view
