राष्ट्रसंघमा आनी छोइङको प्रस्तुति

May 18, 2017

न्युयोर्क । चर्चित गायिका तथा समाजसेवी आनी छोइङ डोल्माले नेपाली कलाकारहरुको प्रतिनिधित्व गदै पहिलो पटक संयुक्त राष्ट्रसंघमा आफनो गीत संगीत प्रस्तुत गरेकी थिइन । राष्ट्रसंघको विशेष निम्तोमा आनी छोइङले अन्तराष्ट्रिय खुसी दिवसको दिन विश्वका राष्ट्र प्रमुखहरुको उपस्थितिमा एक घण्टा आफनो चर्चित गीत संगीत प्रस्तुती गरेकी थिइन । युनिसेफको नेपालस्थित एम्बसडार समेत रहेकी गायिका आनीको साथमा नेपालबाट संगीतकार न्युबज्राचार्य, बद्याबादक गोपाल रसाइली र रमण महर्जन आएका थिए ।

राष्ट्रसंघको कार्यक्रमपछि आनीले गत शनिबार न्युयोर्कको नेपाली समुदाय माझ जिमिनको आयोजनामा दर्जनौ गीतहरु गाएकी थिइन । कार्यक्रममा नेपाली लगायत विभिन्न मुलुकका नागरिकहरुको उपस्थिति रहेका थिए । उनको गीत  र संगीतले उपस्थित सवैलाई आनन्दीत तुल्याएका थिए । भुकम्पले भत्केको विद्यालय निर्माणमा सहयोग गर्नका लागी आनी छोइङको कन्सर्ट आयोजना गरेको जिमिनको डाइरेक्टर सेकी शेर्पाले बताए

सम्बन्धित समाचार