काठमाडौ, पुर्वेली गायकको उपमा पाएका सुरज मादेन लिम्बुको स्वर भरिएको आधुनिक पप सेन्टीमेन्टल म्यूजिक भिडियो हालै सार्वजनिक भएको छ ।
किन हो किन तिम्रो यादले, यति धेरै सताउछ, तिमी विना मेरो संसार सुन्य सुन्य लाग्छ ….. बोलको आधुनिक गीतलाई पप संगीतसंग रिमिक्स गरिएको गीतलाई दिनेश माङमुले निर्देशन गरेका छन् । सुरज मादेनको शब्दलाई संगीत सुरज मादेन अाफैले भरेका छन् । संगीत भर्ना उनलाई भक्त सुनुवारले साथ दिएका छन् । भिडियो निर्माणमा अर्जुन तिवारीले छायाँकन गरेका छन भने सम्पादन निशान घिमिरेले गरी म्युजिक भिडियोलाई अन्तिम रुप दिएका छन् ।
भर्खरै रिलिज भएको नेपाली चलचित्र ‘तारेभिर‘ मा अभिनय गरेका दिपेश श्रेष्ठ र लिम्बु भाषाको सिरापधाङ् म्यूजिक भिडियोका मुख्य भूमिका निर्वाह गरेकी सिर्जना तवेवुङ्कको अभिनय देख्न सकिन्छ । साथमा पत्रकार तथा फोटोग्राफर सुक तुम्रोक र डेनिल लिम्बुले चरित्र अभिनेताको भूमिका निर्वाह गरेका छन् । सरु ढाका उधोगको पहिरनलाई श्रृगार समरा लामाले भिडियोमा अाकर्षक ढंगले प्रस्तुती गरेका छन् ।
