वासिङटन डिसी । राष्ट्रपति डोनाल्ड ट्रम्पको इच्छाविपरित अमेरिकी सिनेटले रूस, इरान र उत्तर कोरियामाथि प्रतिबन्ध लगाउने प्रस्ताव भारी मतले पारित गरेको छ ।
यसअघि तल्लो सदनले पनि उक्त विधेयक भारी मतले पारित गरेको थियो । सिनेटमा ९८ मत प्रस्तावको पक्षमा खस्यो भने २ मत मात्र विपक्षमा खस्यो । उक्त विधेयक अब राष्ट्रपति कार्यालय ह्वाइट हाउस पुग्नेछ र राष्ट्रपति ट्रम्ले हस्ताक्षर गरेको खण्डमा कानुन बनेर अाउनेछ ।
अब के होला ?
पछिल्लो समय राष्ट्रपति डोनाल्ड ट्रम्प रूससँग सम्बन्ध सुधारको पक्षमा थिए । पछिल्लोपटक रूसी राष्ट्रपति भ्लादमिर पुटिनसँग उनको सम्बन्ध सुधार हुदै अाएको पनि थियो । संसदको यो गतिविधिले रूस चिढिने सम्भावना बढेको छ ।
यसले गर्दा ट्रम्ले विशेषाधिकार अर्थात भिटो लगाएर उक्त विधेयक उल्ट्याइदिन सक्छन् ।
यद्यपि ट्रम्पले भिटो लगाइदिएमा अमेरिकी संसदको दुइ तिहाइ बहुमतबाट उनको भिटो पनि उल्ट्यादिन सक्छ ।
-भ्वाइस अफ अमेरिका
