पं उद्धवराज शास्त्री
साहित्य, भागवात, ज्योतिषाचार्य
ई, उ, ए, ओ, वा, वी, वू, वे, बो अक्षरबाट नाम आरम्भ हुने महानुभावहरुको वृष राशि पर्दछ । यहाँ सामान्य विशेषता, स्वभाव एवं परिचयको सम्बन्धमा चर्चा गरिन्छ ।
वृष राशिको स्वामी शुक्र हो । यी राशिका मानिसहरु आफ्नो हठप्रति दृढ रहन्छन् । यिनीहरु तेजस्वी, संघर्षशील, स्वाभिमानी तथा मातापिता एवं गुरुभक्त हुन्छन् । सानासाना कार्यमासमेत विशेष सोच विचार गरेर मात्र हात हाल्छन् । यी राशिवाला व्यक्ति शत्रु भने प्रशस्त हुन्छन् । यिनीहरुलाई बारम्बर आकस्मिक धनलाभको अवसर प्राप्त हुनेछन् ।
यिनीहरु सुखमय एवं अधिकारपूर्ण जीवन व्यतित गर्दछन् । जीवनको पूर्वद्ध संघर्षमय भएपनि उत्तराद्र्ध भने उन्नतिशील एवं सफलतापूर्ण हुन्छ ।
यस राशिका महानुभावहरु प्रायः बैंकिङ, तेल सम्बन्धी व्यवसाय वा सौन्दर्यका सामाग्रीका व्यापारी वा भवन निर्माण, विज्ञापन एजेन्सी र कलाकौशलसँग सम्बन्धित हुन्छन् । कन्या र वृश्चिक राशिसँगको साझेदारी वा मित्रता यिनीहरुको लागि प्रगतिको मार्ग हो । २५,२८,३६ र ४२ वर्षमा विशेष भाग्योदयको योग पर्दछ ।
त्यस्तै ५, १३, २६, २७, ४५ वर्ष केही मात्रामा कष्टदायी हुनेछन् । वृष राशिका महानुभावहरु अत्यन्त सामाजिक हुन्छन् । इष्टमित्र, दाजुभाईहरुको आदर सत्कार गर्नु यिनीहरुले इश्वरको पूजा सम्झन्छन् । वृष राशिका जातकहरुमा आफ्नो प्रेमी प्रेमिका प्रति जतिसुकै ठुलो बलिदान गर्न पनि तयार हुन्छन् ।
तर जसलाई यिनीहरु घृणा गर्न थाल्छन् । त्यसलाई जीवनभर माफ गर्न सक्दैनन । वृष राशिका जातकहर दृढ, स्वभावका र आफ्नो कार्यप्रति लगनशील हुन्छन् भने यिनको विशेष गुण भनेको भारी शारीरिक एवं मानसिक सहन शक्ति हो ।
कुन राशिसँग शुभअशुभ
शुभ राशि मिथुन, कन्या, वृश्चिक, मकर, कुम्भ,सँगको सम्बन्ध व्यापार व्यवसाय लाभदायी हुनेछ ।
मेष, वृष, तुला, मीन राशिसँग समभाव रहनेछ ।
कर्कट, सिंह, धनु राशिसँग शत्रुता वा हानि हुनेछ ।
शुभ रंग–गुलाबी, हरियो, सेतो
अशुभ रंग– रातो
शुभ नंग– १ रती वा सो भन्दा बढीको हीरा वा श्वेत मोती । यदि मोती धारण गर्ने भए २, ४, ६, ११ रतिको शुक्लपक्षको सोमबार वा रोहीणी नक्षत्रमा लगाउने(७, ८ ररितको लगाउनु हानिकारक हुनेछ ।’
उपाय– शुक्रबार व्रत एवं शिव उपासना शुभ फलदायीसिद्ध हुनेछ ।
शुभ बार– शुक्र, शनि, बुधबार ।
1008gayatri@gmail.com
