रसियामा जारी २१ औं संस्करणको फिफा विश्वकप फुटबलको नकआउट चरणको समीकरण पुरा भएको छ ।
यसपटक नकआउट चरणमा अफ्रिकन टोली परेनन् । कुनै पनि अफ्रिकन टोलीले पहिलो चरण पार गर्न सकेनन् । युरोपबाट १० टोली, दक्षिण अमेरिकाबाट चार टोली, उत्तर अमेरिका र एसियाबाट एकएक टोली नकआउट चरण पुगेका छन् ।
विश्वकप अन्तर्गत बिहिबार समूह एचबाट सेनेगल बाहिरिएसँगै रूस विश्वकपको अन्तिम १६ अफ्रिकन राष्ट्रबिहिन बनेको हो । समूह एचमा रहेको सेनेगल अन्तिम खेलमा कोलम्बियासँग १ – ० ले पराजित भएको थियो। यो समूहमा जापानसँग अंक बराबर गरे पनि सेनेगल फेयर प्ले अंकमा पछि पर्दै नकआउट चरणमा पुग्न सकेन । जापान भने जारी विश्वकपको नकआउट चरण पुग्ने एक्लो एसियन राष्ट्र बनेको छ ।
अन्तिम १६ मा कसको प्रतिस्पर्धी को ?
जुन ३०
फ्रान्स विरूद्ध अर्जेन्टिना
उरुग्वे विरूद्ध पोर्चुगल
जुलाई १
स्पेन विरूद्ध रुस
क्रोएसिया विरूद्ध डेनमार्क
जुलाई २
ब्राजिल विरूद्ध मेक्सिको
बेल्जियम विरूद्ध जापान
जुलाई ३
स्वीडेन विरूद्ध स्वीट्जरल्याण्ड
कोलम्बिया विरूद्ध इंग्ल्याण्ड
