काठमाडौं । आज विश्व आदिवासी जनजाति दिवस । नेपालमा पनि देशभर विभिन्न कार्यक्रम गरी मनाइयो । यही अवसरमा काठमाडौंको भृकुटीमण्डवबाट र्याली निकालियो । र्याली सहीद गेट, वीर अस्पाताल हुँदै राष्ट्रिय सभा गृहमा आई सभामा परिणत भयो ।
विश्वभरका आदिवासीहरू एक होऔँ, अपुरो र अधुरो संविधान संशोधन गर, प्रदेशहरूको नामाङ्कन मानव पहिचानको आधारमा कायम गर, राज्यको हरेक अंगमा समानुपातिक प्रतिनिधित्वको ग्यारेण्टी गर, आदिवासी जनजाति मन्त्रालय गठन गर लगायतका नारासहित र्याली समापन भएको थियो ।
