शुभकामना एभरेस्ट !
२०७५ मंसिर १९, बुधबार २१:३९
पद्मा लिंखा मगर
हिमनदीझैं निरन्तर बगिरहने
घामले कहिल्यै नसुक्ने
ढुङ्गा र बालुवाले नछेक्ने
लाग्छ तिमी नदी हौ
एभरेष्ट टाइम्स !
तिमी यसरी नै
अविरल बगिरहनू
शुभकामना छ !
जन्मभूमि र कर्मभूमिलाई जोड्ने
एउटा बलियो पुल
जहाँ फलामको भन्दा
कैयौं गुना बलियो
भावनाको खम्बा र रड हालिएको छ l
यही पुलमा यात्रीहरूको
दशौँ वर्षसम्म
निरन्तर छ ओहोर दोहोर
एभरेष्ट टाइम्स !
तिमी यसरी नै
वर्षौं वर्ष/ सयौं वर्ष
पुल बनेर उभिइरहनू
शुभकामना छ !
जहाँ जे चाह्यो सोही रूपमा भेटिन्छौ
के मात्र बन्दैनौ र तिमी !
आवाजविहीनको आवाज हौ तिमी
नोष्टाल्जिकलाई देशको भावना,
साहित्यिक भोकलाई खुराक
व्यापारीलाई बजार
एभरेष्ट टाइम्स !
तिमी यसरी नै साझा ठाउँ बनेर
सबैलाई निरन्तर सेवा दिइरहनू
शुभकामना छ !
भावनाको खेती गर्नेहरूले
तिमीमा नै
अक्षरररूपी वीउ छरिरहन्छन् l
सत्य ओकल्न चाहनेहरूले
तिमीमार्फत नै
सत्यतथ्य बोलिरहन्छन्
एभरेष्ट टाइम्स !
तिमी यसरी नै
सबैको मन बिसाउने
साझा चौतारी बनिदिनू
शुभकामना छ !
आफ्नो सफल यात्राको
दशौँ वर्ष पूरा गरी
एघारौं वर्षको यात्रा
आरम्भ गरेको अवसरमा
शुभकामना !
एभरेष्ट टाइम्स !
अझ हजारौं वर्ष
यही गतिमा
अनि अरू उचाइमा
यात्रा निरन्तर रहोस्
लाखौं लाख शुभकामना !
न्यूयोर्कबाट प्रकाशित हुने एभरेष्ट टाइम्स पाक्षिक पत्रिकाले आफ्नो सफल यात्राको दशौँ वर्ष पूरा गरी एघारौं वर्षमा प्रवेश गरेको सुखद अवसरमा हार्दिक वधाई तथा शुभकामना !
न्यूयोर्क
१०/३०/२०१८
