अमेरिकाको बोस्टनमा उत्तर अमेरिकाका १३ जना कथाकारले कथा वाचन गर्ने भएका छन । राजमित्र स्मृति प्रज्ञा प्रतिष्ठानले आयोजना गर्न लागेको कथा वाचन आगामी मे महिनाको ३ र ४ तारिख हुने भएको छ । उक्त कथा वाचनमा क्यानडा र अमेरिकाका कथाकारले एक एक कथा वाचन गर्ने भएको छ ।
कार्यक्रममा कृष्ण कुसुम, कृष्ण धरावासी, कृष्णराज खनाल, गोबिन्दसिंह रावत, गोवर्धन पूजा, दीपा राई पुन, भारती गौतम, मन्जु विमली, महेश्वर पन्त, विश्वराज अधिकारी, सुशील नेपाल, हरि अधिकारी र हरि थापाको सहभागिता रहने भएको छ । अमेरिकामा पहिलो पटक आयोजना हुन लागेको कथा वाचनलाई आगामी दिनमा पनि निरन्तरता दिन लागेको आयोजक सस्थाका प्रतिनिधि सुशील नेपालले बताए ।
