लिलाम- कविता
२०७६ बैशाख १९, बिहीबार १०:४६
एनबी दाहाल
आफुलाई लिलाम गरेर पाने हेरें
भाउ एक रुपैयाँ राखेर पनि हेरें
बजार फेरि फेरि बेचेर पनि हेरें
बोली लगाउने कतै नभेटेपछि
आफ्नै गोदाममा थन्काएर हेरें
विकाउन जान्ने व्यापारी थिएन
मोल घटाउने पनि ठाउँ नै थिएन
धेरै सस्तो लागेर होला
एउटा बोली लगाउने मान्छे थिएन
कवाडीको पसलमा सोध्न गएँ
कवाडीको गोदाममा ठाउँ थिएन
सायद जसलाई खाँचो थियो मेरो
उसलाई मेरो मोल थाह भएन
