काठमाडौं । प्रदेश नम्बर ५ को प्रदेशसभा बैठकमा प्रमुख प्रतिपक्षी नेपाली कांग्रेसका सांसदले कुर्सीले हानेर टेबुल र माइक तोडफोडगरेका छन्।
प्रदेश सभाको सोमबार दोस्रो पटक चलेको बैठकमा आन्तरिक मामिला तथा कानुन मन्त्री कुलप्रसाद केसीले प्रदेशको नाम रराजधानीबारेको प्रस्ताव छलफलका लागि पेस गर्न लाग्दा तोडफोड गरिएको हो ।
सुरुमा नाराबाजी र प्रदर्शन गरिरहेका सांसदहरूले मन्त्री केसीलाई रोष्टम जान अवरोध गरे। कांग्रेस सांसदहरूबाट फुत्किएर रोष्टमपुगेका मन्त्री केसीले नामाकरण लुम्बिनी र प्रदेशको स्थायी राजधानी दाङ बनाउने प्रस्ताव छलफलका लागि पेस गरे।
यतिञ्जेल विरोधमा नाराबाजी गरिरहेका कांग्रेस सांसद आफ्नो बस्ने कुर्सी छेउ पुगेर कुर्सी उचालेर तोडफोडमा उत्रिए।
प्रदेश ५ को राजधानी दांगको देउखुरी भ्याली प्रस्ताव गरिएपछि सडक र सदन दुबैतिर बिरोध भई रहेको छ ।
