‘रक्तदान जीवन दान’ भन्ने नाराका साथ एनआरएन अमेरिका नर्थ क्यारोलिना च्याप्टरले रक्तदान कार्यक्रमको आयोजना गरियो । च्याप्टरले नर्थ क्यारोलिनाको द ब्लड कनेक्सनसग मिलेर उक्त रक्तदान गरेको हो । कार्यक्रममा नर्थक्यारोलिनाको हाइप्वाइन्ट, क्यारि, मोरिसभिल, दुराम लगायतको स्थानहरुमा बस्ने ४० जनाले रगत दान गरेको च्याप्टरको अध्यक्ष बासुदेव भट्टले एभरेष्टटाइम्सलाई बताए ।
कार्यक्रम एनआरएनए अमेरिकाका बरिष्ठ उपाध्याक्ष कृष्णजिवि पन्तको प्रमुख आतिथ्यमा भएको थियो । उक्त अवसरमा अमेरिकी नेपाली समुदायमा सवैभन्द धेरै २ सय १ पटक रगत दान गरिसकेका रक्तदाता एवं समाजसेवी अर्जुन मैनालीलाई च्याप्टरले विशेष सम्मान गरेका थिए । रक्तदाता मैनालीलाई एनआरएन अमेरिकाका बरिष्ठ उपाध्याक्ष पन्तले सम्मान पत्र प्रदान गरेका थिए भने च्याप्टरका अध्यक्ष भट्ट र सचिव जितमान बस्नेतले खादा लगाई सम्मान गरेका थिए । रक्तदान स्थानीय मोरिसविलस्थित वालवार्टको पार्किङ स्थलमा विहान ९ बजेदेखि शुरु भएको रक्तदान वेलुकी ४ बजेसम्म भएको थियो ।
