२२ माघ २०७९, आइतबार | Sun Feb 5 2023

न्युयोर्कमा मनायो तमु ल्होछार


Ang

१९ पुस २०७९, मंगलबार  

218
Shares

गुरुङ तमु जातीको महान चाड तमु ल्होसारको अवसरमा तमु परिवार न्युयोर्कले तमु हि ल्हो ल्होछार विशेष कार्यक्रमको आयोजना गरि मनायो । गुरुङ समुदायले नया सालको फेरिएको दिनलाई ल्होछारको रुपमा मनाउदै आएको छ । तमु भाषामा तो ल्हो बाघ बर्षलाई विदाई गदै हि ल्हो अर्थात विरालो बर्षको स्वागतसंगै तमु ल्होसार मनाएका छन ।

विगत वर्षहरुमा झै यस पटक पनि तमु परिवारले न्युयोर्कमा गुरुङ जातीको मौलिक कला सस्कृति झल्कने गरि ल्होछार मनाएका छन । विभिन्न संघ सस्थाका प्रतिनिधिहरुको उपस्थिति रहेको उक्त कार्यक्रम प्रमुख अतिथिको रुपमा उपस्थित न्युयोर्कस्थित नेपाली महाबाणिज्यदुत विष्णु गौतम र तमु परिवारका अध्यक्ष मनिता गुरुङले संयुक्त रुपमा उदघाटन गरेका थिए । कार्यक्रममा गुरुङ जातीको मौलिक नृत्य घाटु, कृष्ण चरित्र, कौडा र तमु गीतहरु प्रस्तुत गरेका थिए ।

तमु परिवारका सचिव देबिजंग गुरुङले सञ्चालन गरेको पहिलो चरणको कार्यक्रममा सल्लाहकार अर्जुन घले, प्रमुख अतिथि गौतम र सास्कृतिक संयोजक प्रेम गुरुङले शुभकामना मन्तव्य दिएका थिए । त्यस्तै सास्कृतिक कार्यक्रम माया गुरुङ , रंगिता गुरुङ, निरज घले र राम गुरुङले संचालन गरेका थिए । सास्कृतिक कार्यक्रममा कलाकारहरुको कोरियोग्राफर बिजय नकर्मि, गौरि लामा र गोबिन्द राईले गरेका थिए ।

कार्यक्रममा तमु परिवार न्यूयोर्कले गुरुङ समाजमा सक्रियता पुर्वक नेतृत्व गर्न सफल पहिलो महिला अध्यक्ष मनिता गुरुङलाई सफल महिला अध्यक्षको रुपमा सम्मान गरेको थियो । त्यस्तै मनित गुरुङलाई पि्रसेडेन्ट अवार्डबाट र कलाकार रंजिता गुरुङलाई राष्ट्रिय कलाकारको रुपमा सम्मान गरिएको थियो । तमु परिवारले बर्षनी समुदायको सहयोगबाट ल्होछार आयोजना गदै आएको छ । विगत झै यस पटक पनि समाजका विभिन्न व्यक्तिहरुबाट तमु हिं ल्हो ल्हो-ल्होछार सास्कृतिक कार्यक्रम सफल बनाउन शुभकामना स्वरुप २९ हजार ९ सय ४ डलर आर्थिक सहयोग गरेको जनाएको छ ।

प्रकाशित मिति : १९ पुस २०७९, मंगलबार  ९ : १८ बजे