बर्दियाको एक घरमा गएराति आगलागी हुँदा तीन बालबालिकासहित चार जनाको मृत्यु भएको छ भने एकजना गम्भीर घाइते भएका छन् । गुलरिया- ४ तुलापुरमा रहेको भरत चन्दको घरमा शुक्रबार राति आगलागी हुँदा भरत चन्दका ७ वर्षका छोरा कृष चन्द, २ वर्षका छोरा कार्तिक चन्द, भरतकी दिदी ३६ वर्षकी राधा बुढा र उनकी ११ वर्षकी छोरी मानुषी बुढाको मृत्यु भएको हो ।
राधा छोरीलाई लिएर भाइको घरमा पाहुना लाग्न गएकी थिइन् । आगलागीमा परेर भरतकी पत्नी २८ वर्षकी करिष्मा चन्द गम्भीर घाइते भएकी छन् । उनको गुलरिया असप्तामाल उपचार भइरहेको प्रहरीले जनाएको छ ।
घट्नाका बेला भरत भने घरमा थएनन् । आगलागी कसरी भयो भन्ने कुरा भने खुलेको छैन । अनुसन्धान भइरहेको जनाएको छ । आगलागीमा परेका सबैको घटनास्थलमै मृत्यु भएको प्रहरीले जनाएको छ।
