४ बैशाख २०८१, मंगलबार | Tue Apr 16 2024

आफ्नो कारण ३१ यात्रु छुटेको पछि मात्र थाहा भएको प्रधानमन्त्रीको स्पष्टीकरण



प्रधानमन्त्री पुुष्पकमल दाहाल प्रचण्डले आफ्नो यात्राका क्रममा छुटेका नेपाल एयरलाइन्सका यात्रुहरूको बारेमा दुबइ पुगेपछि मात्रै थाहा भएको स्पष्टीकरण दिएका छन् । जलवायु परिवर्तन सम्बन्धी सम्मेलनमा भाग लिन जाँदा नेपाल बायु सेवा निगमको जहाज सेड्युलभन्दा दुई घण्टा अघि सारिंदा ३१ यात्रु छुटेका थिए ।

यूएईको पाँचदिने भ्रमण सकेर फर्किएपछि विमानस्थलमा सञ्चारकर्मीसँग कुराकानी गर्दै प्रधानमन्त्री दाहालले यात्रु छुटेको थाहा पाएको भए कुरेरै लैजाने बताए।

‘यदी मलाई २ घन्टा अगाडि सारिँदैछ र त्यसो गर्दा ३१ जना यात्रु छुट्छन भन्ने थाहा भएको भए म दुई घन्टा छिटो ल्याउन दिँदैनथेँ,’ उनले भने, ‘दुई घन्टा अघि ल्याउनपर्ने भन्ने मेरो मनसाय पनि थिएन । मैले क्यानले कसरी मिलायो भन्ने मात्रै बुझेँ ।’

उनले आफूलाई सो बारे यूएई पुगेपछि मात्रै थाहा भएको बताए । ‘मैले उहाँ पुगेपछि मात्रै थाहा भयो कि मेरो कारणले ३१ जना यात्रुहरू छुट्नुभयो । मैले उहाँ साथीहरूलाई पनि त्यही कुरा भनेको थिएँ,’ उनले भने।

सम्मेलनमा सहभागी भएर आइतबार साँझ प्रधानमन्त्री दाहाल स्वदेश फर्किएका छन् । उनले सहभागिता उपलत्धीमूलक भएको दावी गरेका छन् ।

प्रकाशित मिति : १७ मंसिर २०८०, आइतबार  ८ : २० बजे