उदाउदो अर्थतन्त्रको रुपमा रहेको भारतको सबैभन्दा भाइब्रेन्ट राज्य गुजारातको मुख्यमन्त्रीपछि तेस्रो पटक मुलुककै प्रधानमन्त्रीका लागी चुनावी मैदानमा रहेका नरेन्द्र मोदीको सम्पत्ति कति होला ।
धेरैलाई लाग्न सक्ला यति लामो समयदेखि सत्तामा रहेका मोदीको सम्पत्ति धेरै नै होला । तर कुरा त्यसो होइन, भारतीय प्रधानमन्त्री मोदीसँग न घर छ न कार । उनीसँग नगद मात्र रहेको छ ।
उनले भारतको बाराणशीमा उम्मेदवारी दिने क्रममा मंगलबार बुझाइएको सम्पत्ति विवरण अनुसार मोदीसँग ३ करोड भन्दा बढी भारतीय रुपैयाँ रहेको छ ।
भारतीय सञ्चार माध्यमहरुका अनुसार कोदीसँग ३ करोड २ लाख ६ हजार ८८९ चल सम्पत्ति छ । त्यसमध्ये २ करोड ८५ लाख भारतीय रूपैयाँ भारतीय स्टेट बैंकको मुद्दती खातामा रहेको छ ।
त्यसका साथै मोदीसँग सुनका चार औँठी छन् । जसको मूल्य २ लाख ६७ हजार भारतीय रूपैयाँ बताइएको छ । मोदीले आफूसँग ५२ हजार ९२० रूपैयाँ नगद रहेको र ९ लाख १२ हजार रूपैयाँ बरारबरको नेशनल सेभिङ सर्टिफिकेट रहेको सम्पति विवरणमा उल्लेख गरेका छन ।
अचल सम्पत्तिबारे भने विवरणमा केही उल्लेख गरिएको छैन । सम्पत्ति विवरणमा मोदीको श्रीमतीको नाम जशोदाबेन उल्लेख गरिए पनि उनको सम्पतिका बारेमा उल्लेख छैन ।
सन् २०१९ को लोकसभा चुनावमा मोदीले आफूसँग साढे २ करोडको सम्पत्ति रहेको बताएका थिए । त्यसअघि २०१४ मा उनले बुझाएको सम्पत्ति विवरणमा १ करोड ६५ लाख रूपैयाँ सम्पत्ति रहेको उल्लेख गरेका थिए ।
बिबिसीका अनुसार मोदीले अघिल्लो आर्थिक वर्षमा ३ लाख ३३ हजार रूपैयाँ आयकर बुझाएका थिए ।
