सहकारीको रकम अपचलनबारे छानबिन गर्न बनेको संसदीय छानबिन विशेष समितिको प्रतिवेदन तयार भएसँगै पूर्व गृहमन्त्री तथा रास्वपाका अध्यक्ष रवि लामिछाने दोषी की निर्दोष भनेर टिकाटिप्पणी सुरु भएको छ ।
स्वयं लामिछाने र रास्वपाका नेता कार्यक्रताहरु लामिछानेले क्लिनचिट पाएको ठोकुवा गरिरहेका छन् भने समितिका सभापति साँसद सूर्य थापालगायतका कांग्रेस, एमालेका नेता कार्यकर्ता उनलाई कारवाहीको सिफारिस गरिएको बताइरहेका छन् ।
यही बेला शुक्रबार समितिको प्रतिवेदन सार्वजनिक गरिएको छ । प्रतिवेदनमा रवि लामिछानेसँग पनि बयान जस्ताको तस्तै छ । समितिमा लामिछानेले आफू संलग्न नभएको कारोबार तथा विषयको जिम्मेवारी कसरी लिने भन्दै बयान दिएका थिए । तर उनले गोर्खा सहकारीको ६५ करोड रुपैयाँ अपचलन गर्ने गोर्खा मिडियाको प्रबन्ध निर्देशन आफु रहेको र प्रबन्ध निर्देशकको रुपमा कतिपय प्रशासनिक कामको जिम्मेवारी रहेको स्वीकार गरेका छन् । समितिले पनि उनलाई सहकारीको सञ्चालकको रुपमा नभई सहकारीको रकम अपचलन गर्ने कम्पनीको जिम्मेवार व्यक्तिको रुपमा कारवाहीको सिफारिस गरेको छ ।
रविले संसदीय छानबिन विशेष समितिमा दिएको बयानको पूर्णअंश यस्तो छ :
