दोलखाको लामाबगरबाट प्रहरीले फेरी चार किलो सुन बरामद गरेको छ । बिगु गाउँपालिका–१ लामाबगरबाट आइतबार दिउँसो ४ किलो सुन बरामद गरिएको दोलखाका प्रहरीले जानकारी दिए ।
प्रहरीका अनुसार उक्त सुन बारीमा ढुंगाले थिचेर राखिएको अवस्थामा फेला परेको थियो । बिगु गाउँपालिका–१ लामाबगरस्थित बारीमा ढुंगाले थिचेर राखिएको अवस्थामा ४ केजी सुन बरामद गरिएको र सुन तस्करी गरेर ल्याउने मान्छेको बारेमा अनुसन्धान भइरहेको बताइएको छ ।
यो सँगै पछिल्लो ५ दिनमा सोही नाकाबाट ११ किलो सुन बरामद भएको छ । सुन तस्करीमा संलग्न २ जनालाई प्रहरीले पक्राउ गरिसकेको छ भने अन्यको खोजी भइरहेको छ । यसअघि बुधबार ३ र शुक्रबार ४ किलो सुन प्रहरीले बरामद गरेको थियो ।
