१० बैशाख २०८१, सोमबार | Tue Apr 23 2024

तीन नेपालीलाई आममाफीका लागि राष्ट्रपतिले अनुरोध गर्ने



नेपाल सरकारले श्रीलङ्कामा कैदीबन्दी जीवन बिताइरहेका तीन जना नेपालीलाई आममाफी दिन अनुरोध गर्दै पत्र पठाउने भएको छ ।

मन्त्रिपरिषद् बैठकले कैदीबन्दी जीवन बिताइरहेका नेपाली नागरिकहरू चेतबहादुर थापा, सुकबहादुर तामाङ र टेकबहादुर तामाङको सजाय मानवीय आधारमा आम माफीको अनुरोध गर्दै राष्ट्रपतिबाट श्रीलङ्काका राष्ट्रपतिलाई पत्र पठाउनका लागि राष्ट्रपतिसमक्ष सिफारिस गर्ने निर्णय गरेको हो ।

सञ्चार तथा सूचना प्रविधिमन्त्री रेखा शर्माका अनुसार नेपाल र श्रीलङ्काबिच अफिसियल राहदानी वाहकहरूलाई भिसा आवश्यक नपर्ने विषयको सम्झौता स्वीकृत गर्ने र हस्ताक्षर गर्न अख्तियारी दिने निर्णय पनि भएको छ ।

प्रकाशित मिति : ९ फाल्गुन २०८०, बुधबार  १२ : ०२ बजे