बौद्धधर्मवलाम्बीको महान चाड तथा नेपालको राष्ट्रिय पर्व ल्होसारको अवसर पारेर नर्थक्यारोलिनाबासी हिमालयन बुद्धिष्ठ कम्युनिटिले ल्होसार विशेष कार्यक्रमको आयोजना गरियो । नर्थक्यारोलिनाको केरिस्थित हिमालयन ग्रिलमा आयोजना भएको कार्यक्रममा विभिन्न समुदायको उपस्थिति रहेका थिए । अमेरिकाको विभिन्न राज्यहरुमा झै नर्थक्यारोलिनामा पनि गत वर्षदेखिन ल्होसार कार्यक्रम आयोजना हुदै आएको हो । यस पटक पनि ल्होसार कार्यक्रममा उपस्थित अतिथिहरुलाई आयोजकले मौलिक पेय पद्रार्थ छयाङ र रात्री भोजले स्वागत गरेका थिए ।
‘ हामी जहा पुगेपनि आफनो मौलिक कला सस्कृतिको जर्गेना गरौ भन्ने उद्धेस्यका साथ गत वर्षदेखिन यहा पनि ल्होसार मनाउन शुरु गरेको हो ’ आयोजक समितिका सदस्य कर्मा शेर्पा गोलेले बताए । यस पटक ल्होसार आयोजक समितिका सदस्यहरु ङिमा पाख्रिन, विजय गुरुङ, तेन्जि लामा र जितमान बस्नेत खटीएका थिए । कार्यक्रममा शुरुदेखिनै ल्होसार कार्यक्रमलाई आर्थिक सहयोग गदै आएका दिन्डु लामा ह्योल्मोलाई सम्मान गरिएको थियो ।
‘ नेपाल विभिन्न भाषाभाषी र सस्कृतिले भरिएको देस हो । नेपालको त्यो विविधतापुर्ण सस्कृतिको रुपमा प्रवासमा प्रतिविम्बित गर्ने ल्होसारलाई मानेको छु ’ नेपाली कल्चर सेन्टरका नर्थक्यारोलिना (एनसिएनसि ) का अध्यक्ष डा विकाश शाक्यले बताए । रियाल्टर तथा एनआरएन एनसिसि नर्थक्यारोलिनाका पुर्व सचिव जितमान बस्नेतद्धारा सञ्चालित कार्यक्रममा नेपाल अमेरिका पत्रकार संघ नेजाका पुर्व अध्यक्ष आङछिरिङ शेर्पाले ल्होसारको शुभकामना मन्तव्य दिएका थिए । त्यसैगरि कलाकारहरु सरिता रावत बस्नेत, ङिमा पाख्रिनले नृत्य प्रस्तुत गरेका थिए भने गायक शिसिर पौडेलले गीत गाएका थिए ।
