भक्तपुरमा कुटपिट गरी श्रीमतीको हत्या गरेको आरोपमा प्रहरीले एक जनालाई पक्राउ गरेको छ।
चाँगुनारायण नगरपालिका वडा नम्बर ३ झौखेल पिपलबोट नजिकै बिहीबार साँझ सवा ६ बजे श्रीमानले श्रीमतीमाथि कुटपिट गरी हत्या गरेको जिल्ला प्रहरी परिसर भक्तपुरले जानकारी गराएको छ ।
सिन्धुपाल्चोक मेलम्ची नगरपालिका वडा नम्बर ८ घर भएका २५ वर्षीय सन्तोष भुजेलले मादक पदार्थ सेवन गरी २१ वर्षीया श्रीमती पवित्रा राईमाथि कुटपिट गरेका थिए ।
कुटपिटपछि गम्भीर घाइते भएकी पवित्रालाई भक्तपुर अस्पताल लगिएको थियो । त्यहाँ उपचारको क्रममा राति सवा ७ बजे उनको मृत्यु भएको हो । कुटपिट गरी हत्या गरेको आरोपमा प्रहरीले सन्तोषलाई पक्राउ गरेको छ ।
