नयाँदिल्ली । भारतका प्रधानमन्त्री नरेन्द्र मोदीले शनिबारबाट तीन वटा देशको भ्रमण सुरु गरेका छन् ।
उनले पोर्चुगल, अमेरिका र नेदरल्याण्डको भ्रमण गर्ने तालिका रहेको प्रधानमन्त्रीको कार्यालयका सरकारी अधिकारीहरुले जानकारी दिएका छन् । उनीहरुका अनुसार उहाँको भ्रमण चार दिने हुनेछ ।
मोदी पोर्चुगलको राजधानी लिस्बोनमा शनिबार दिउसो पुगेका छन् । त्यहाँ रहदा उनले दुई देशले आगामी दिनमा गर्न सक्ने सहकार्यका उपायहरुका बारेमा छलफल गर्नेछन् ।
My USA visit is aimed at deepening ties between our nations. Strong India-USA ties benefit our nations & the world. https://t.co/UaF6lbo1ga
— Narendra Modi (@narendramodi) June 23, 2017
पोर्चुगलपछि प्रधानमन्त्री मोदी अमेरिकाको राजधानी वासिङटन डिसी पुग्ने तालिका रहेको छ । शनिबारदेखि सोमबारसम्मको अमेरिका भ्रमणका क्रममा आफूले अमेरिका र भारतको सम्बन्धलाई थप फराकिलो बनाउने बारेमा छलफल गर्ने मोदीले बताए ।
प्रधानमन्त्री मोदीले वासिङटनमा अमेरिकी राष्ट्रपति डोनाल्ड ट्रम्पसँग भेटवार्ता कार्यक्रम रहेको बताइएको छ । दुई नेताबीचको यो नै पहिलो भेटवार्ता हो ।
अमेरिकाको भ्रमण सकिएर उहाँ आउँदो मङगलबार नेदरल्याण्ड जाने कार्यक्रम रहेको छ । एजेन्सी
