काठमाडौं । महानगरपालिका नजिकै रहेको होटल सालिमारमा आगलागी भएको छ । बुधबार साझँ राजधानीको सुन्धारास्थित होटल सालिमारमा आगलागी भएको छ ।
अन्डरग्राउण्डमा रहेको जेनेरेटर पड्किएर आगलागी भएको प्रहरीले जनाएको छ ।
आगलागी पछि त्यहाँ फँसेका १८ जनाको उद्दार भैसकेको साथै मानवीय क्षतिको कुनै विवरण छैन । अहिले आगलागी नियन्त्रणमा लिने प्रयास भैरहेको छ ।
काठमाडौँ, ललितपुर र भक्तपुरबाट आएका वरुण यन्त्रसहित नेपाली सेना र प्रहरी टोली आगलागी नियन्त्रणको प्रयासमा रहेका छन् ।आगलागीबाट भएको क्षतिबारे विस्तृत विवरण आइसकेको छैन ।
