काठमाडौँ । कान्तिपुर दैनिकका सहायक–सम्पादक बलराम बानियाँको शब मकवानपुरमा भेटिएको छ ।
प्रहरीका अनुसार बानियाँको मृत शरीर मंगलबार बिहान ११ बजेतिर मकवानपुरको सिस्नेरीस्थित मान्डू जलविद्युत् परियोजना क्षेत्रमाफेला परेको हो ।
बानियाँ सोमबार दिउँसोदेखि परिवार र कार्यालयको सम्पर्कमा नरहेको बताईएको छ । उनी पछिल्लोपटक राजधानीको बल्खुचोकमासोमबार करिब पौने चार बजे देखापरेको प्रहरीले जानकारी दिएको छ ।
बल्खुमा प्रहरीको गस्ती टोलीले सोमबार दिउँसो देखेपछि उनलाई सोधपुछ गरेको थियो । त्यसपछि उनी घर जाने भन्दै बल्खु खोलाकोपुलमुनि गएको देखिएको प्रहरीले जनाएको छ ।
बानियाँ पुलमुनि जाँदै गर्दा उनको जुत्ता हिलोमा अड्किएको र त्यसपछि खोलाको पानीमा लडेपछि स्थानीयले उद्धार गर्ने प्रयास गरेकोप्रहरीलाई उदृत गरेको छ । पानीको अत्याधिक वहाबले गर्दा उद्धार गर्न नसकेको स्थानीयले बताएका छन् । त्यसबेला उनको पहिचानखुल्न सकेको थिएन ।
बानियाँ पछिल्लोपटक एक दशकभन्दा अघिदेखि कान्तिपुरमा कार्यरत थिए । त्यसअघि पनि उनले कान्तिपुर, नागरिकलगायतमा सम्बद्धरही पत्रकारिता गरेका थिए ।
उनका श्रीमती, एक छोरा र एक छोरी छन् ।
