उड्दै गरेको बोइङको विमानको एक टुक्रा भाँचिएर उछिटिए पछि अमेरिकाको संघीय उड्डयन प्रशासनले १७१ वटा बोइङ विमानको उडान रोकेको छ । उसले प्राविधिक जाँचले ठिक देखाएपछि मात्र उडान सुचारु हुने जनाएको छ ।
अन्तरराष्ट्रिय सञ्चार माध्यमका अनुसार आलस्का एयरको ‘बोइङ्ग ७३७ म्याक्स ९’ का १७१ विमान प्रभावित हुनेछन् ।
युनाइटेड एयरलाइन्सले आफ्ना ७९ वटा ‘बोइङ्ग ७३७ म्यास ९’ विमानमध्ये केहीको एफएएले प्राविधिक जाँच गरेको जनाएको छ । प्राविधिक जाँच गर्नुपर्दा ६० वटा उडान रद्द हुने सम्भावना छ । किनभने एउटा हवाई जहाज जाँच गर्दा चारदेखि आठ घण्टासम्म समय लाग्ने बताइएको छ ।
गत शुक्रबार अमेरिकाको पोर्टल्याण्ड (ओरेगान)बाट ओन्टारियो -क्यालिफोर्निया) गइरहेको अलास्का एयरलाइन्सको हवाई जहाजको एक हिस्सा हावाको दबावमा फुटेर जहाजबाट अलग भएको थियो । त्यसपछि हवाई जहाजलाई आकस्मिक अवतरण गराउनु परेको थियो ।
उक्त हवाई जहाजमा १७१ यात्री र चालक दलका ६ सदस्यहरु थिए । उनीहरु सबै सकुशल छन् ।
यो घटनालगत्तै अलास्का एयरलाइन्सले आफ्ना सबै ६५ वटा बोइङ विमानका उडान बन्द गरेको थियो । उसले प्राविधिक जाँच गराउने र फेरि उडान अनुमति नपाएसम्म सेवा बन्द गर्ने जनाएको छ ।
