तस्विर: नवाङ सेरा शेर्पा।
काठमाडौं । शेर्पा फर चेन्ज नामक संस्थाले डा भावना तामाङसँग अन्तरक्रिया कार्यक्रम सम्पन्न गरेको छ । शनिबार राजधानीको पासाङ ल्हामु स्पोर्ट्स क्लाइम्बिङ सेन्टरमा भएको कार्यक्रममा डा तामाङले आफ्ना संघर्षका दिनहरु र सफलताका कथा सुनाएकी थिइन् ।
शेर्पा युवामा चेतना अभिबृद्धि गराउन संस्थाले हरेक महिना यस्तै अन्तरक्रियात्मक कार्यक्रम आयोजना गर्दै आइरहेको छ । यो छैटौं कार्यक्रम भएको शेर्पा फर चेन्जकी कार्यक्रम संयोजक छिरीङ निमा शेर्पाले जानकारी दिइन ।
