काठमाडाैं– सत्तारुढ नेपाल कम्युनिष्ट पार्टी (नेकपा) को सचिवालय बैठक नेताहरुको कार्यव्यस्तता भन्दै स्थगित गरिएको छ। नेकपाले शुक्रबारका लागि सचिवालय बैठक तय गरिएको थियो ।
यही मङ्सिर २३ गतेको सचिवालय बैठकले उपनिर्वाचनको समीक्षा, सङ्गठन सुदृढीकरण तथा स्थायी कमिटीको बैठकको कार्यसूची तयलगायत विषयमा छलफल गर्न सचिवालय बैठक बोलाएको थियो ।
सचिवालय बैठक अब शनिबार दिउँसो सारिएको हो । स्थायी कमिटीको बैठक यही मङ्सिर २९ गते ११ बजेका लागि तोकिएको छ ।
एक वर्षपछि बस्न लागेको स्थायी समिति बैठकमा पार्टी विधान संशोधनको प्रस्ताव राख्ने तयारी छ। नेकपा अध्यक्ष पुष्पकमल दाहालले पार्टीको कार्यदिशा परिवर्तन गर्ने र उपाध्यक्ष पद थप्ने गरी विधान संशोधनको प्रस्ताव ल्याउन लागेको बताइएको छ।
