अमेरिकी अन्तर्राष्ट्रिय विकासका लागि सहयोग नियोग (युएसएआइडी) ले दिने भनेको झण्डै ८० अर्व रुपैयाँ अनुदान सहयोग स्वीकार गर्ने निर्णय गरेको छ । गत चैत ३० को मन्त्रिपरिषद बैठकले युएसएआइडीबाट ७९ अर्ब ७१ करोड अनुदान स्वीकार गर्ने निर्णय गरेको सरकारका प्रवक्ता ज्ञानेन्द्रबहादुर कार्कीले बताए।
उक्त रकम पाँच वर्षभित्रमा नेपालको पूर्वाधार विकासमा आउने बताइएको छ । त्यसैगरी सरकारले विश्व वैंक समुहसँग १८ अर्ब ऋण सहायता स्वीकार गर्ने निर्णय पनि गरेको छ ।
‘विश्व बैंक समूहका अन्तर्राष्ट्रिय विकास संस्थाबाट प्राप्त हुने १५० मिलियन अमेरिकी डलर (करिब १८ अर्ब) बराबरको सहुलियतपूर्ण ऋण सहायता स्वीकार गर्ने’ निर्णय भएको हो ।
