तीनकुनेमा राजावादीले मच्चाएको हिंसाका एक आरोपी राप्रपाका वरिष्ठ उपाध्यक्ष रवीन्द्र मिश्रलाई पनि काठमाडौं जिल्ला अदालतले तीन लाख रुपैयाँ धरौटीमा छाड्न आदेश दिएको छ ।
यसअघि सोमबार राप्रपाकैमहामन्त्री धवल शमशेर राणालाई पनि जिल्ला अदालतले तीन लाख रुपैयाँ धरौटी मागेको थियो ।
न्यायाधीश तारादेवी महर्जनको इजलासले तीनकुने घटनाका आरोपी मिश्रलाई धरौटीमा छाड्न आदेश दिएको हो ।
मिश्रमाथि राज्यविरुद्धको कसुर, आपराधिक उपद्रव, संगठित अपराध र एकीकृत कसुरमा मुद्दा दर्ता भएको थियो । गत चैत १५ गते राजावादीले काठमाडौंमा गरेको प्रदर्शन हिंसात्मक हुँदा दुई जनाको मृत्यु भएको थियो भने करोडौंको सरकारी तथा निजी सम्पतिमा तोडफोड, आगजनी र लुटपाट भएको थियो।
उक्त घट्नाका अभियुक्ता दुर्गा प्रसाईलगायत ७ जनालाई भने जिल्ला अदालतले सोमबार नै थुनामा पठाउको छ ।
