नेवा: नख: न्युयोर्कको आयोजनामा सातौं सामुहिक ईही कार्यक्रम सम्पन्न

२०७९ असार १०, शुक्रबार ११:४१

नेवा: नख: न्यूयोर्कको आयोजनामा नेपाल सम्वत ११४२ तछलाथ्व: एकादशीको अवसर पारी यही जुन २२ ११ गते शनिबारका दिन सातौं सामुहिक ईही न्यूयोर्क स्टेटमा सम्पन्न भएको छ ।

नेवा: गुभाजु (पुरोहित) श्री समन्त बज्राचार्यले नेवा: विधिपूर्वक ईही सम्पन्न गराएका हुन् । उनलाई गुरूमा पुष्पा बज्राचार्य र नेवा: नख:का अध्यक्ष महेन्द्र बीर बज्राचार्यले जजमान (मुख्यकर्ता) भै सहयोग गरि पुजा सम्पन्न गरिएको हो ।

न्युयोर्कको ज्याक्सनहाइटमा रहेको शेर्पा किदुगंको भवनमा आयोजना गरिएको सामुहिक ईहीमा चार राज्यहरु न्युयोर्क, कनेक्टिकट, म्यासाचुसेट्स् र न्युजर्सीबाट १२ जना बालिकाहरूको सहभागी थियो । सोफी सिंह, नेश्मा मास्के, इभलिन राजकर्णिकार, साम्राज्ञी सिंह, मलीहा श्रेष्ठ, आर्या श्रेष्ठ, तीसा श्रेष्ठ, सह्राना स्थापित, तिशा शाक्य, उर्वीना श्रेष्ठ, रोमा प्रधान र आब्या श्रेष्ठ सहभागी रहेको उक्त कार्यक्रममा सहभागी बालिकाका अभिभावक-आफन्तकहरू गरि सयौं जना जनाको उपस्थिति थियो ।

नख:का महा-सचिव तुलसी नारायण चित्रकारले सम्पूर्ण अतिथि र सहभागीहरूलाई स्वागत गरि सुरू गरिएको उक्त कार्यक्रममा नख:का प्रथम उपाध्यक्ष्य डा. नरेश मान शाक्यद्वारा इहीमा सहभागी बालिकाहरु, बालिकाहरुका अभिभावक-आफन्तकहरू, पाहुनाहरू तथा कार्यसमितिका पदाधिकारीहरूको परिचय गरिएको थियो भने नखःका कोषाध्यक्ष सलोनी वन्त श्रेष्ठ र सदस्य नम्रता प्रधानले कार्यक्रममा सहभागीहरूको उपस्थिति दर्ता गराएका थिए ।

उक्त कार्यक्रममा नख:का अध्यक्ष महेन्द्र बीर बज्राचार्य, प्रथम उपाध्यक्ष नरेश मान शाक्य, महा-सचिव तुलसी नारायण चित्रकार, कोषाध्यक्ष सलोनी वन्त श्रेष्ठ, सदस्यहरू नम्रता प्रधान, महेन्द्र कुमार बज्राचार्य तथा किरण रंजितले ईही गर्ने बालिकाहरूलाई प्रशंसा-पत्र प्रदान पनि गरेका थिए ।

अध्यक्ष बज्राचार्यले कार्यक्रममा उपस्थित सबै अतिथि बालबालिका, अभिभावक, गुभाजु, गुरुमा, नखःका सम्पूर्ण सदस्य तथा सहयोगी, स्वयमसेवीहरूलाई धन्यवाद व्यक्त गर्दै सहभागी बालिकाहरूलाई उज्जल भविष्यको कामना गरे । नखःका द्वितीय उपाध्यक्ष श्रुती अमात्यको संयोजनमा कोषाध्यक्ष सलोनी वन्त श्रेष्ठ, सदस्य नम्रता प्रधान, अनिता बज्राचार्य, लघु शाक्य, मैना बज्राचार्य, लक्ष्मी शोभा चित्रकार, मोहिनी कर्माचार्य तथा उजिला प्रधानले इहीको पुजा सामाग्री तयारी गरेका थिए । बालिकाहरूलाई मूलढोकाबाट लसकुस गरि इही गर्ने स्थलमा भित्र्याइएको थियो भने उहाँहरूले सगुन सहित “थायभु” तयार गरेर बालिकाहरूलाई वितरण गरेका थिए ।

संस्थाका सदस्यहरू गौतम कर्माचार्य, पुष्प श्रेष्ठ, मुनिन्द्र बज्राचार्य, मृगेन्द्र बज्राचार्य, जेनिश कर्माचार्य, तुलासा चित्रकार, रोहण चित्रकार, ह्यारिसन बज्राचार्य र सिद्धार्थ बज्राचार्य, प्रज्वल रंजित, निराजन पाण्डेले अतिथीहरूको सत्कारका साथै नेवारी खाना समयबजीको व्यवस्थापन गरेका थिए । नेवा: नख: न्युयोर्क, नेवारी परम्परा, कला र संस्कृतिको संरक्षण र प्रवर्द्धनका लागि सन् २०११ मा न्युयोर्कमा स्थापना गरिएको नेवा: संस्था हो ।

यो संस्थाले समुदायको हितका लागि विभिन्न कार्यक्रमहरू सञ्चालन गर्दै आएको छ । अमेरिकामा रहेर पनि आफ्नो परम्परा र संस्कृतिक कार्यक्रम जगेर्ना गर्न र न्युयोर्कमै यसरी गरिएको नेवारी परम्परागत इहीबाट अभिभावक र बालिकाहरु लाभान्वित हुनुको साथै यस्ता कार्यक्रमबाट नेवारी मौलिक संस्कृति र परम्परा समेत संरक्षण र जगेर्ना हुने नेवा: नख: न्युयोर्कका निर्वतमान अध्यक्ष तथा सल्लाहाकार बिष्णुमान प्रधानले जानकारी दिए ।

सम्बन्धित समाचार