काठमाडौं । गैरआवासीय नेपाली संघ(एनआरएनए) को मतदान स्थगित भएको छ ।
मंगलबार साँझका लागि तोकिएको मतदान ढिला गरि शुरु भए पनि मतदान यन्त्रमा समस्या देखिएपछि मतदान स्थगित भएको निर्वाचन समितिले जनाएको छ ।
मतदान यन्त्र रामलक्ष्मण दाजुभाइले बनाएका हुन् । अब भोलि छलफलपछिमात्र मतदान प्रक्रिया अघि बढाइने निर्वाचन समितिले जनाएको छ ।
निर्वाचन समितिले सार्वजनिक गरेको मतदाता नामावलीमा विवाद उत्पन्न भएपछि पाँच बजेका लागि तोकिएको मतदान ढिला गरि शुरु भएको थियोे । केही देशले पठाएको मतदाता सूची अनुमोदन नगर्दिँदा विवाद उत्पन्न भएकोमा सहमतिपश्चात मतदान शुरु भएको केही बेरमै मतदान स्थगित भयो ।
निर्वाचन स्थगित भएकोमा लामो समय लाइनमा उभिएकाहरु आक्रशोत बनेका थिए ।
